不知不覺

羅文已經離開我哋 20 年

而佢嘅經典作品

特別係《獅子山下》

至今依然口口相傳

時刻激勵住大家

最近《羅文紀念演唱會》官宣

米雪、羅家英等等

都會喺呢場 show 上獻技

表達自己對前輩嘅緬懷之情

而幾乎每一屆羅文紀念 show

都會出席嘅鄭欣宜

今次亦唔會錯過呢個

唱出自己對 uncle Roman 愛嘅機會

最近出席兒童公益活動嘅鄭欣宜

身材又 fit 咗，而且狀態大佳

就算戴住口罩都睇得出佢瘦出尖下巴

靚靚眼睛都好迷人

講起呢次羅文紀念 show

欣宜又一次忍唔住感慨

自己細個嘅時候

受羅文影響最深

▓▓▓▓▓▓▓▓▓▓▓努力加載中 ……

鄭欣宜出身喺演藝世家

媽咪係 " 肥姐 " 沈殿霞

爸爸係演得又唱得嘅鄭少秋

但喺佢嘅記憶中

對佢演藝事業幫助最大嘅

卻係羅文

因為肥姐同羅文好 friend

肥姐又好錫欣宜

所以羅文都好照顧呢個 " 細侄女 "

雖然羅文唔係欣宜嘅師傅 OR 老師

甚至連唱歌都冇教過佢

但卻永遠以 " 欣賞 " 嘅角度

嚟鼓勵欣宜，激發佢不斷進步

欣宜回憶道：

uncle Roman 會將適合佢嘅作品錄低

等佢可以睇住學習

又會喺佢表演嘅時候

俾出足夠嘅掌聲 & 肯定

令佢對自己充滿信心

喺鄭欣宜嘅心目中

uncle Roman 唔係爸爸卻勝似爸爸

佢甚至仲公開講過

" 如果我爸爸（秋官）唔係爸爸，

咁羅文就應該係我爸爸 "

大家都知道欣宜曾經減肥

成功變索妹

但后來因為種種原因復肥

喺 2014 年嘅羅文紀念演出上

佢無懼身材、穿上緊身裙扮 " 波斯貓 "

平時連比基尼都拒絕嘅欣宜

堅定表示

自己只會為一個男人性感

嗰個人就係 uncle Roman 啦

因為呢個男人

從細就俾咗好多勇氣佢

//////////

肥姐離世之后

長眠于溫哥華

嗰度係欣宜出生與長大嘅地方

而肥姐一部分嘅骨灰

就被帶咗翻香港安放

與羅文 &" 哥哥 " 為鄰

欣宜探媽咪嘅時候

就可以順便睇埋兩位 uncle 啦

可以睇得出

依家嘅欣宜積極面對生活

好大一部分力量

都係羅文自細對佢嘅激勵

好多人都應該聽過

羅文老師嘅經典作品

唔知有冇邊首

係至今都令你回味嘅咧